Tashmë ka hyrë në fuqi masa qortuese e propozuar nga Qeveria e Kosovës për targat ilegale serbe të cilët refuzojnë t’i konvertojnë ato në ‘RKS’.
Të martën, më 1 nëntor pritet që të hyjnë në fuqi masat e reja për targat, të propozuara të premtën nga Qeveria e Kosovës.
Bëhet fjalë për vendimin e ri të qeverisë, për shkallëzim të zbatimit të vendimit për targat e veturave të serbëve të Kosovës.
Lidhur me këtë dhe se çfarë do të bëjë administrata Biden me vendimin e kryeministrit Albin Kurti për targat, zëdhënësi i Departamentit të Shtetit, Ned Price, deklaroi se mesazhi i Administratës së Bidenit për Kurtin është i qartë, transmeton klankosova.tv.
“Përpjekjet tona janë në vazhdimësi”, zbuloi Ned Price
”Ne kemi qenë të qartë publikisht dhe privatisht se komuniteti ndërkombëtar, përfshirë Shtetet e Bashkuara, kërkon një vonesë të plotë në zbatimin e këtyre çështjeve. Ne nuk shohim një vonesë të pjesshme. Ne nuk shohim zbatimin me faza. Komuniteti ndërkombëtar ka kërkuar nga qeveria e Kosovës një vonesë të plotë të zbatimit”, ka thënë ai./Prishtinapress/