Lidhja Demokratike e Kosovës, e udhëhequr nga Lumir Abdixhiku, ka refuzuar të marrë pjesë në protestën kundër shtrenjtimit të energjisë elektrike.
Këtë vendim Abdixhiku dhe vartësit e tij e kanë marrë, pavarësisht ftesës që kanë marrë për të qenë pjesë e protestës nga Dardan Molliqaj i PSD-së.
Kryetari i ri i Lidhjes Demokratike, çështjen e shtrenjtimit të energjisë nuk e ka ngritur si temë, as në rrjetet e tij sociale.
Postimet e tij për këtë çështje kanë qenë të rralla, dhe aspak shpotitëse për rolin e një opozitare.
Për fryrjen e faturave, i pari i LDK-së ka folur pak edhe në Kuvendin e Kosovës, shkruan Gazeta Insajderi.
Në ditën kur në Prishtinë, u protestua kundër shtrenjtimit të rrymës elektrike, LDK duket se ka pasur diçka më të rëndësishme për të bërë.
Fokusi i partisë së udhëhequr nga Abdixhiku nuk ka qenë sot te hallet e qytetarëve, por tek Kuvendi i Lidhjes Demokratike të Kosovës në Podujevë.
Atje, delegatët e partisë e kanë zgjedhur për udhëheqës Ekrem Hysenin, duke mos i lënë këtë pozitë Agim Veliut.