Disfata kundër Brighton në transfertë me rezultatin 3-0, ishte e dyta radhazi në Premier League për Liverpool. Situata në radhët e të kuqve është kritike teksa mbeten në vendin e nëntë, shtatë pikë larg vendit të katërt që duket se është edhe objektivi i vetëm për Liverpool në këtë kampionat.
Pas ndeshjes me Brighton zhgënjimi ishte i madh për trajnerin Jurgen Klopp që theksoi se skuadra e tij arriti pikën më të ulët gjatë këtyre shtatë viteve në drejtimin e tij.
“Brighton është një skuadër e mirë dhe e organizuar. Ata e merituan fitoren, ndërsa ne jo. Besoj se asnjë tifoz i Liverpool nuk e ka shijuar ndeshjen, problemet në fushë mbeten të njëjta. Nuk fitojmë duelet vendimtare dhe e humbasim topin lehtësisht.
Më pas është e vështirë të organizohesh dhe të mbrosh kur humbet topin në momente vendimtare. Nuk mbaj mend një ndeshje më të keqe, kemi arritur në pikën më të ulët”, u shpreh Klopp./Prishtinapress/
