Arkadiusz Milik zgjodhi Instagramin e tij për t’u dhënë mendimet për humbjen e penalltisë të dielën në mbrëmje ku Juventusi barazoi me rezultat 1-1 me Bolognan në stadiumin Dall’Ara në Bologna
Në mungesë të Dusan Vlahovic, Moise Kean dhe Angel Di Maria, Milik ishte caktuar për të goditur penalltitë nga trajneri i Juves, Massimiliano Allegri.
Polaku “fajësoi” portierin e Bolognas për hile pasi që “portieri dhe bashkëlojtari i tij të Kombëtarja Lukasz Skorupski, derisa ai beson se ai doli nga vija, që bëri që ai të godasë topin që përfundojë në duart e portieri Rossoblu.
Milik përmirësoi gabimin e tij në pjesën e dytë, ku shfrytëzoi një top të humbur në zonë dhe bëri një goditje duke shënuar në rrjetën e portës së Bolognas.
Pavarësisht që humbi mundësinë për të marrë të tria pikë për skuadrën e Allegrit, ai nuk i kurseu deklaratat pozitive për të në rrjetet sociale pak orë pas fishkëllimës së fundit.
“Mund të bëni gabime por gjëja më e rëndësishme është që mos të dorëzoheni, ky është shpirti i duhur për të arritur qëllimet e tua… Përpara Juve”, ka komentuar në një postim Milik.
Milik tani ka shënuar nëntë gola këtë sezon nga 32 paraqitje në të gjitha garat. Shtatë nga këto gola ai i ka shënuar në Serie A.
