Një i ri shqiptar ka ndërruar jetë pak pas mesnatës të së premtes në Greqi, pasi humbi kontrollin e motorit që drejtonte dhe u përplas me një shtyllë dritash në rrugën Lakonikis, në Kalamata.
Sipas raportimve nga mediat greke, mësohet se 24-vjeçari me origjinë shqiptare, për një arsye të panjohur ka humbur kontrollin e motorrit në të djathtë të rrugës dhe ka përfunduar në një shtyllë, ku ka mbetur i plagosur rëndë dhe është transportuar me autoambulancë në spitalin e Kalamatës.
Por plagët e tij ishin shumë të rënda dhe me gjithë përpjekjet e mjekëve ai nuk arriti të mbante veten në jetë.