Teleskopi Hapësinor i NASA/ESA Hubble kapi këtë fotografi të një ylli të ri, të shkëlqyer të mbështjellë në një re gazi dhe pluhuri.
Me ndihmën e Kamerës me Fushë të Gjerë 3 të Hubble, studiuesit ishin në gjendje të ekzaminonin një objekt yjor të porsalindur pothuajse 9000 vjet dritë larg në konstelacionin Demi për të mësuar më shumë rreth lindjes së yjeve të mëdhenj.
Astronomët besojnë se objekti IRAS 05506+2414, është dëshmi e një ngjarje shpërthyese të shkaktuar nga përplasja e dy yjeve të rinj, masivë. Nëse është kështu, ne do të kishim parë vetëm një shembull tjetër si ai më parë.
Në mënyrë tipike, rrjedhjet binjake të gazit dhe pluhurit të një ylli të ri kanalizohen nga disqet e materialit që rrotullohen rreth yllit. Megjithatë, në IRAS 05506+2414, një dush materiali në formë ventilatori po zgjerohet nga qendra e figurës me shpejtësi deri në 350 kilometra në sekondë.
Përshpejtimi i materialit që largohet nga ylli mund të matet, por distanca e yllit nga Toka jo. Megjithatë, distanca deri në IRAS 05506+2414 mund të konkludohet duke monitoruar lëvizjen e daljes nga një fotografi në tjetrën.
Kjo do t’u jep astronomëve një ide më të mirë të shkëlqimit të yllit dhe prodhimit të energjisë, dhe iu mundëson të marrin një vlerësim më të mirë të masës së yllit, e cila është thelbësore për zbulimin e misterit të burimit të rrjedhjes së veçantë të këtij ylli të ri të shkëlqyer./Prishtinapress/
