Nënkryetari i Kuvendit, Enver Hoxhaj, i ka reaguar Kurtit për qëndrimin e tij për ndarjen e procesit të normalizimit të marrëdhënieve me Serbinë nga integrimi evropian.
Tutje Hoxhaj, ka thënë se qëndrimi i kryeministrit për të ndarë normalizimin nga integrimi evropian nuk i shërben Kosovës, por është çlirim i Serbisë.
“‘Duhet të ndahet procesi i anëtarësimit të Kosovës në BE nga procesi i normalizimit të marrëdhënieve me Serbinë’ – paska thënë Kurti! Qëndrimi i kryeministrit për të ndarë normalizimin nga integrimi evropian nuk i shërben Kosovës, por është çlirim i Serbisë nga kushtëzimi evropian dhe në interes të Serbisë që ia mundëson asaj që edhe pa marrëveshje obligative ligjore dhe pa njohje të ndërsjellë, të mund të anëtarësohet në BE!”, ka shkruar Hoxhaj në profilin e tij në Facebook.
