Ministrja e Drejtësisë, Dhurata Hoxha, ka kërkuar që në ndryshim-plotësimin e Ligjit për Ndihmë Juridike Falas të përfshihet edhe ndihma për gratë të cilat janë palë në kontekste pronësore.
“Kam kërkuar nga Grupi punues që gjatë punës që po bëhet për ndryshim/plotësimin e Ligjit për Ndihmë Juridike Falas, të përfshihen dispozitat të cilat adresojnë shprehimisht dhënien e ndihmës juridike falas për gratë të cilat janë palë në kontestet pronësore.
Së fundi, jemi dëshmitarë të prezencës së numrit të madh të kontesteve pronësore në përgjithësi dhe të atyre ku palë janë gratë në veçanti.
Avancimi i të drejtave pronësore të grave është detyre e jona. Trajtimi i barabartë para ligjit, duhet t’u garantohet të gjithë qytetarëve pa dallim”, ka shkruar Hoxha.
