Ambasadori i ShBA-së në Prishtinë, Jeff Hovenier, ka organizuar iftar për komunitetin mysliman të Ambasadës.
Organizimi, që është i dyti pas atij të vitit të kaluar, për Hovenierin shënon një moment të mirë për të ndarë së bashku traditat dhe zakonet e Kosovës gjatë Ramazanit.
“Për të dytin vit me radhë tani, isha i nderuar të merrja pjesë në darkën e iftarit të komunitetit të Ambasadës. Jam i kënaqur që pata mundësinë të mirëprisja kaq shumë anëtarë të familjes në Ambasadë për të prishur agjërimin dhe për të ndarë traditat dhe zakonet kosovare gjatë Ramazanit”, u shpreh Hovenieri në një postim në platformën X.