Hovenieri në përfundim të mandatit do të bëjë homazhe me Osmanin tek shtatorja e presidentit historik, Ibrahim Rugova

Presidentja Vjosa Osmani nesër do të mbajë takimin lamtumirës me ambasadorin e Shteteve të Bashkuara të Amerikës në Kosovë, Jeffrey Hovenier.

Në njoftimin e lëshuar thuhet se takimi do të fillojë nga ora 10:00 dhe do të mbahet në objektin e presidencës.

Si pjesë përmbyllëse e mandatit të ambasadorit në Kosovë do të bëjnë homazhe tek shtatorja e presidentit historik, Dr. Ibrahim Rugova.

Pas homazheve do të ketë deklarim për media.