Ish-kryeministri i Kosovës, Avdullah Hoti ka bërë një reagim në Facebook pas fillimit të punimeve në fazën e dytë për rehabilitimin e linjës hekurudhore Fushë Kosovë-Mitrovicë.
Ai thotë se nuk mund të arsyetohen dy vite të qeverisjes duke promovuar projektet e qeverive të kaluara, duke ju referuar kështu pikërisht punimeve në Linjën Hekurudhore 10.
“Do të duhej të promovohej ndonjë projekt i kësaj qeverie, së paku nisja e punimeve”, shkruan mes tjerash Hoti.
Statusi i plotë:
Nuk mund të arsyetohen dy vite të qeverisjes duke promovuar projekte të qeverive të “regjimit të kaluar”, siç ishte rasti me promovimin e nisjes së punimeve në Linjën hekurudhore 10, segmenti Fushë Kosovë-Mitrovicë.
Do të duhej të promovohej ndonjë projekt i kësaj qeverie, së paku nisja e punimeve.
