Ish-kryeministri i Kosovës, Avdullah Hoti, ka reaguar në lidhje me shtesat e rrezikshmërisë në punë.
Ai ka thënë se ky muaj është i katërt që policët nuk po marrin shtesat e rrezikshmërisë.
Tutje, ai ka thënë se kjo tregon mungesën e vullnetit dhe papërgjegjësinë ndaj policëve që dërgohen çdo ditë në veri dhe rrezikojnë jetët e tyre.
Postimi i plotë:
Ky është muaji i katërt që policët nuk i marrin shtesat e rrezikshmërisë në punë.
Vonesa për një muaj do të ishte e kuptueshme, pasi duhet futur të dhënat në sistemin e Thesarit në Ministrinë e Financave. Por të mos paguhen për katër muaj tregon mungesën e vullnetit dhe papërgjegjësinë ndaj policëve që dërgohen çdo ditë në veri, si dhe ndaj familjeve të tyre që çdo ditë janë të shqetësuar kur i përcjellin për punë.