Kryeministri i Kosovës, Isa Mustafa, edhe një herë u shpreh i bindur se buxheti i miratuar prej 2 miliardë eurosh, do të ketë efekte pozitive për vendin, duke premtuar kështu rritje të investimeve kapitale në krahasim me ato të vitit që po lëmë pas.
Mustafa, në një konferencë për media së bashku me ministrin e Financave, Avdullah Hoti, thanë se ky nuk është buxhet social, por buxhet zhvillimor për vendin, raporton KTV.
Mustafa falënderoi deputetët e koalicionit për përkrahjen që i dhanë miratimit të buxhetit për vitin 2017.
Ministri i Financave, Abdullah Hoti, shtoi se ky është një buxhet shumë i qëndrueshëm dhe i përgatitur me konsultime të ndryshme. Sipas Hotit, ky buxhet siguron rritje ekonomike së paku për 4 për qind.
Hoti përmendi rritje të buxhetit për institucionet e rendit dhe të ligjit, ministritë, kurse buxheti i komunave merr pjesë 22 % në shpenzime të përgjithshme të Qeverisë.
Prishtinapress.net është gazetë online e lajmeve nga vendi dhe bota. Ne mbesim të përkushtuar që të ofrojmë lajmet dhe ngjarjet me profesionalizëm, informim te drejtë, të paanshëm dhe të shpejtë. Materialet dhe informacionet në këtë portal mund të kopjohen, të shtypen ose të përdoren por vetëm pas referimit te qartë te burimit te portalit PrishtinaPress në përputhje me kushtet e përdorimit. Ne jemi të parët!
Na kontaktoni në email: info@prishtinapress.net
Për marketing në email: marketingu@prishtinapress.net
Tel: +383 (0) 46 701 - 702 apo +383 (0) 48 911 - 118
© Copyright - www.prishtinapress.net