Kuvendi i Kosovës ka dështuar ta votojë Projektkodin Civil të Republikës, në seancës e së mërkurës.
Pika që deputetët kishin mospajtime ishte neni i cili do të mundësonte hartimin e një ligji të posaçëm, përmes të cilit do të lejohej regjistrimi i “bashkësive civile” ndërmjet personave me gjini të njëjtë.
Mirëpo, ajo që ra në sy ishte bojkoti thuajse i një numri të madh të deputetëve të LDK-së, e në veçanti i ish-kryeministrit, Avdullah Hoti, shkruan Indeksonline.
Ky i fundit, që s’mori pjesë në këtë seancë të Kuvendit të Kosovës, me 14 shkurt të 2020-ës së bashku me presidentin e Serbisë, Aleksandër Vuçiq, kishin nënshkruar marrëveshje në Shtëpinë e Bardhë, në prani të presidentit të SHBA-së, Donald Trump.
Poashtu, edhe ish-zv/kryeministri, Driton Selmanaj, edhe pse ishte i pranishëm në sallë, nuk votoi fare.
Pika e 10 që kishte marrë zotimin nga Hoti ishte rreth mbështetjes së LGBTI-së. “Të dyja palët do të punojnë me 69 vendet, të cilat homoseksualietin e konsiderojnë si krim, që ta dekriminalizojnë”.
Kujtojmë se në momentin e votimit, në sallë ishin të pranishëm 77 deputetë. 28 deputetë kanë votuar pro 29 kundër dhe 4 deputetë kanë abstenuar. Vlen të theksohet se votat kundër ishin për të ndaluar që të mundësohet kjo bashkësi civile.
