DASHI
Dita e sotme do të jetë perfekte për ata që janë në një lidhje. Bashkëpunimi do të mbizotërojë gjatë gjithë kohës dhe do të ndiheni të bekuar nga të gjithë. Beqarët nuk do të ndihen ende gati të fillojnë një lidhje dhe do t’i refuzojnë të gjitha propozimet që do t’u bëhen. Në planin financiar, do të mbizotërojë ekuilibri dhe do të mund të kryeni të gjitha shpenzimet e menduara.
DEMI
Do të merreni vesh me partnerin tuaj gjatë kësaj dite dhe do të sqaroni edhe mosmarrëveshjet e vogla që keni pasur më parë. E ardhmja do të jetë më e mirë. Beqarët nuk duhet të rrezikojnë shumë vetëm për të ndryshuar statusin, sepse do të kenë probleme më vonë. Në planin financiar, situata nuk do të jetë e qëndrueshme. Do të keni tronditje të njëpasnjëshme.
BINJAKËT
Jeta në çift do të fillojë të ketë përmirësime të njëpasnjëshme gjatë kësaj dite. Do të ndiheni më mirë në krahët e partnerit dhe kënaqësitë do të jenë më të mëdha. Beqarët as nuk do të dëshirojnë ta ndryshojnë statusin e tyre, sepse do ta kalojnë për mrekulli me miqtë. Me shpenzimet mos u tregoni të pamatur nëse nuk doni të mbeteni pa asnjë para mënjanë.
GAFORRJA
Tregohuni më të arsyeshëm dhe më realista sot ju, të dashuruarit, pasi po vepruat pa menduar dhe po menduat vetëm për vete, do të keni probleme më vonë. Beqarët nuk do të jenë me fat në dashuri dhe do të mbeten ende të vetmuar. Për financat, do të kujdeseni më tepër se ndonjëherë më parë dhe situata do të vijë duke u stabilizuar. Më në fund do të jeni të qetë.
LUANI
Asgjë nuk do të ndryshojë sot në jetën tuaj në çift gjatë kësaj dite dhe herë pas here mund të gjendeni në situata të vështira. Për të marrë vendime duhet të mendoheni disa herë. Beqarët do ta kenë mendjen tek puna dhe nuk do të merren aspak me jetën sentimentale. Në planin financiar, gjendja do të mbetet e kënaqshme dhe do të arrini të hiqni edhe disa para mënjanë.
VIRGJERESHA
Do të jeni më tolerantë se më parë sot ju që jeni në një lidhje dhe marrëdhënia me partnerin do të vijë duke u përmirësuar gjithnjë e më tepër. Beqarët do të kenë plot propozime, por nuk do të ndihen ende gati të bëjnë ndryshime të statusit. Në fakt, do të refuzojnë mundësi të shkëlqyera për të cilat do të pendohen. Financat nuk do të mbeten aspak të mira, kështu që ulini në maksimum shpenzimet.
PESHORJA
Dialogu do të mbizotërojë gjatë gjithë kohës sot në jetën tuaj në çift dhe marrëdhënia me partnerin ka për të marrë kthesën e duhur. Beqarët nuk do të ndihen gati për të bërë ndryshime të statusit dhe do të mbyllen në vetvete. Financat do të jenë tejet problematike. Pranojeni ndihmën që do t’ju japin familjarët pa u menduar gjatë, pasi në kundërshtim do të keni probleme më serioze.
AKREPI
Me bekimin e yjeve, jeta juaj në çift do të jetë tejet harmonike. Në çdo moment do të përjetoni kënaqësi të paimagjinueshme. Beqarët nuk do të mendohen dy herë për të hedhur hapa të rëndësishëm, pasi mundësitë do të jenë të shkëlqyera. Në planin financiar mos u nxitoni. Riorganizojini njëherë paratë që keni dhe më pas shihni sa mundësi keni për të shpenzuar.
SHIGJETARI
Ditë fantastike ka për të qenë kjo e sotmja për ata që janë në një lidhje. Do t’i shihni gjërat me një sy tjetër dhe do të ndiheni më mirë se më parë. Beqarët do ta kenë të vështirë ta bëjnë për vete personin që pëlqejnë dhe do të mbeten vetëm edhe disa kohë. Gjendja financiare do të jetë e mirë. Mund t’i kryeni edhe disa shpenzime të vogla, por pa e tepruar.
BRICJAPI
Do t’i jepni prioritet absolut jetës tuaj në çift gjatë kësaj dite dhe marrëdhënia me partnerin do të jetë e shkëlqyer. Çdo moment do të jetë i mrekullueshëm. Beqarët do të realizojnë një takim mbresëlënës, i cili do t’ua ndryshojë mënyrën e të parit të gjërave. Buxheti më në fund do arrijë të stabilizohet pas gjithë përpjekjeve që keni bërë. Pa ndihmën e miqve, në fakt, ende do të kishit vështirësi.
UJORI
Do t’i shihni gjërat me një sy tjetër sot ju të dashuruarit dhe marrëdhënia në çift do të jetë më e këndshme. Nuk do të mungojnë as surprizat ndaj njëri-tjetrit. Beqarët do debatojnë ashpër me disa miq të vjetër dhe nuk do e kenë aspak mendjen për të kërkuar dashurinë. Në planin financiar do përballeni me vështirësi të mëdha për shkak të shpenzimeve të pamenduara që keni kryer.
PESHQIT
Do të filloni projekte të përbashkëta me partnerin tuaj sot dhe ato do t’ju afrojnë akoma më shumë me njëri-tjetrin. Marrëdhënia në çift do të jetë e shkëlqyer. Beqarët nuk do të ndihen mirë me statusin që kanë dhe do të bëjnë të pamundurën për të bërë ndryshime. Në planin financiar duhet t’i organizoni me kujdes të ardhurat, në mënyrë që gjendja të mbetet e mirë.
