Inspektorati i Prishtinës ka njoftuar se ka gjobitur një qytetar me 300 euro, meqë i njëjti kishte hedhur mbeturina në kryeqytet.
Në njoftimin e Inspektoratit thuhet se i njëjti është detyruar që ta pastrojë hapësirën ku kishte hedhur mbeturinat.
“Në ditët në vijim inspektorati do të vazhdojë kontrollet në zona të ndryshme në kryeqytet, prandaj kërkojmë që të gjithë të veprojmë në përputhje me rregullat e përcaktuara dhe në këtë mënyrë të ndihmojmë organet e kryeqytetit në synimin tonë të përbashkët për një Prishtinë më të pastër”, thuhet në njoftim.
