Ambasadori i Shteteve të Bashkuara të Amerikës në Beograd Christopher Hill nuk i ka komentuar zgjedhjet në komunat veriore të Kosovës që u mbajtën të dielën. Ai ka thënë se për këtë është deklaruar Ambasada e SHBA’së në Kosovë.
Por, Hill ka thënë se dialogu ka marrë një vrull të ri dhe se Asociaconi do të jetë në rend ditë më 2 maj.
Hill, javën që shkoi, komentoi për zgjedhjet duke thënë se nuk është koha për t’i mbajtur ato, por pasi procesi u krye të dielën ai u përmbajt duke thënë se ambasada e SHBA’së në Kosovë ka bërë një deklaratë.
Diplomati amerikan ka theksuar se Asociacioni do të jetë në agjendë më 2 maj dhe se dialogu ka marrë një vrull të ri.
“Mendoj se në bisedimet e ardhshme do të flitet për Asociacionin. Siç e përmenda edhe më parë, marrëveshjet që janë nënshkruar në prani të njerëzve shumë seriozë nga bashkësia ndërkombëtare duhet të zbatohen”, ka theksuar Hil.
“Mendoj se ka një plan për 2 maj dhe është shumë e qartë se do të prezantohet (draft -statuti i Asociacionit). Shpresoj se do të arrihet përparim i qëndrueshëm kur bëhet fjalë për dialogun”, ka shtuar ai.
Ai thotë se roli i SHBA-së dhe komunitetit ndërkombëtar është të përshpejtojnë zbatimin e Marrëveshjes së Brukselit, e cila është nënshkruar në vitin 2013.
Hill theksoi se njerëzit në trevat serbe të Kosovës duhet të “kuptojnë se ku është e ardhmja e tyre dhe kjo sigurisht që do të mundësohet me formimin e Asociacionit të Komunave me Shumicë Serbe”.
