Ambasadori i SHBA-së në Serbi, Christopher Hill, në një intervistë për Nova ka thënë se ka akuza serioze për mangësi në procesin zgjedhor dhe ka thënë se duhet të trajtohen seriozisht.
Kur Nova.rs pyeti nëse kishte parë provat e paraqitura nga opozita për migrimin e votuesve dhe nëse dyshonte se 70 votues jetonin në shtëpi të braktisura, ambasadori Hill u përgjigj:
“Nuk jam në gjendje të komentoj drejtpërdrejt për këto çështje, përveçse të them se kemi dëgjuar shumë raporte”. Ka akuza serioze që kanë të bëjnë me mangësi dhe procedura dhe ato duhet të trajtohen seriozisht. Unë jam në dijeni të këtyre akuzave, por ato duhet të trajtohen nga njerëz të besueshëm që respektojnë zgjedhjet dhe për këtë arsye ODIHR dhe OSBE ishin këtu”, tha Hill
Tutje Hill tha se shpreson që këto çështje të zgjidhen me mirëkuptim dhe të tejkalohen këto mangësi të procesit zgjedhor.
“Shpresoj që këto çështje të zgjidhen dhe të ketë mirëkuptim për tejkalimin e këtyre mangësive, siç i kam quajtur në deklaratën time. Ndërkohë, mendoj se është shumë e rëndësishme dhe e drejtë që njerëzit të kenë përshtypjen se kanë të drejtë të protestojnë dhe të kenë një tubim paqësor. Kjo është e drejta e tyre, por edhe detyrimi i tyre, nëse duam të jemi të saktë. Por unë jam një diplomat i huaj që përfaqësoj një vend tjetër dhe nuk jam i akredituar vetëm te shteti, por te gjithë të tjerët dhe për këtë jam në dispozicion të të gjithëve”, tha Hill.
