Sot në praninë e Komisionit të Garave dhe përfaqësuesve të klubeve është bërë tërheqja e shortit për edicionin e ri të garave 2023/2024 për Superligë.
Kampioni i Kosovës, Ballkani do ta nisë sezonin e ri në Prizren, ku e pret e rikthyera në ligën elitare – Liria.
Ndërkaq, nënkampionia Drita do t’i bëjë gosti Llapit, në ndeshjen kryesore të xhiros së parë.
Prishtina do të jetë mikpritëse e të inkuadruarit tjetër, Feronikeli.
Ndër të tjera, kryetari i KG-së, Abdyl Bellopoja i njoftoi përfaqësuesit e klubeve me procesin e tërheqjes së shortit dhe me hartimin e akteve të reja normative për këtë edicion, si dhe rreth përgatitjeve për fillimin e Ligës U21, për të cilën do të vlejë kalendari i njëjtë i garave të Superligës.
Këto janë çiftet e xhiros së parë të Superligës, e cila do të nisë më 12 gusht:
Liria – Ballkani
Drita – Llapi
Dukagjini – Malisheva
Fushë Kosova – Gjilani
Prishtina – Feronikeli
