Të dielën në Istog një grua ka kërkuar ndihmë mjekësore për një burrë në gjendje të rëndë shëndetësore, vdekja e së cilit është konstatuar nga mjeku kujdestar.
“Ankuesja femër kosovare ka kërkuar ndihmë mjekësore pasi që viktima mashkull kishte qenë në gjendje të rëndë shëndetësore”, thuhet në raportin e Policisë së Kosovës.
“Në vendin e ngjarjes kanë dal njësia policore si dhe një autoambulancë. Nga mjeku kujdestar është konstatuar vdekja e viktimës. Me vendim të prokurorit kujdestar, trupi i pajetë dërgohet në IML për obduksion. Rasti është duke u hetuar”.
Po të dielën, në Klinë është raportuar për një rast ku familjarët e kanë dërguar një person për tretman mjekësor, mirëpo mjeku e ka konstatuar se ai ka vdekur.
“Është raportuar se viktima mashkull kosovar nga familjarët e tij ishte dërguar për tretman mjekësor me ç’rast nga mjeku është konstatuar se ai kishte ndërruar jetë”, thuhet në njoftimin e Policisë së Kosovës.
“Njësitë policore janë duke e hetuar rastin, ndërsa trupi i pajetë i viktimës me urdhër të prokurorit është dërguar në IML për obduksion”./PrishtinaPress/