Nënkryetari i Lidhjes Demokratike të Kosovës, njëherësh kryetar i Komunës së Gjilanit, Lutfi Haziri, ka folur sot sërish për temën që ka të bëjë me korrigjimin e kufijve mes Kosovës e Serbisë, në kuadër të finales së dialogut ndërmjet dy vendeve në Bruksel.
Në parim, Haziri ka thënë, në një intervistë për RTK, se është pro korrigjimit të kufijve, duke e parë këtë si mundësi ideale për zgjidhjen e problemit të shqiptarëve në Luginën e Preshevës.
Iniciativën e partive opozitare për seancën të jashtëzakonshme të Kuvendit të Kosovës, Haziri ka thënë se e vlerëson si ridefinim të asaj që Qeveria dhe Kuvendi i Kosovës duhet ta udhëheqë dialogun Kosovë-Serbi.
