Nënkryetari i LDK-së i cili është edhe kryetar i Gjilanit, Lutfi Haziri ka dhënë opinionin e tij për disa nga kandidatët e përfolur për kryeministër nga LDK.
“Kryeministri Avdullah Hoti ka arritur të ndërtojë një qeverisje por që pak kohë ka mundur të qeverisë”, ka komentuar Haziri figurën e Hotit në “Debat Plus”.
“Kujtim Shala i plotëson të gjitha kushtet politike. Është një format politik i jashtëzakonshëm”, tha nënkryetari i LDK-së, përcjell Telegrafi.
“Arben Gashi po ashtu njëri prej emrave që ka dhënë rol dhe kontribut në ndërtimin e politikave të LDK-së sidomos sa ka qenë shef i grupit parlamentarë të LDK-së”.
Haziri ka thënë se LDK ka edhe emra tjerë potencial për postin e kryeministrit.
“Ka edhe emra tjerë që mund të diskutohen pasi është e padrejtë nëse i përjashtoj, por ju nxorët këta emra dhe iu përgjigja”, tha ndër të tjera Lutfi Haziri./Telegrafi/