Nënkryetari i LDK-së, Lutfi Haziri ka folur rreth çështjes së largimit të taksës për produktet e Serbisë dhe Bosnjës.
Haziri përmes një postimi në Facebook, ka shkruar se reciprociteti si politikë është masë e cila është në harmoni të plotë me parandalimin e veprimeve të politikës serbe, karshi jo vetëm raporteve diplomatike, por zhvillimeve politike në përgjithësi dhe progresit të Kosovë, por se ky instrument ka nevojë të qartësohet deri në fund.
Postimi i plotë:
Tash e disa muaj janë bërë përgatitje të mëdha dhe pritjet për largimin e tarifës janë të mëdha.
Reciprociteti si politikë është masë e cila është në harmoni të plotë me parandalimin e veprimeve të politikës serbe, karshi jo vetëm raporteve diplomatike, por zhvillimeve politike në përgjithësi dhe progresit të Kosovës.
Por, ky instrument ka nevojë të qartësohet deri në fund. Duhet të jetë i qartë, i sigurte dhe të mos e lejojë të degjenerojë si politikë, për të mos na komprometuar.
