Havolli: Qeveria Mustafa më e mira e pasluftës

Sokol Havolli, shef i kabinetit të kryeministrit të vendit, në Info Magazine të Klan Kosovës ka thënë se kodi telefonik, marrja e të cilit për vendin do të ndërmjetësohet nga Austria, është element i shtetësisë.
“Kodi telefonik i cili do të merret, është element i patjetërsueshëm i vendit. Ky do të jetë element me përfitime. Pronar i kodit telefonik, është Kosova. Përderisa Në këtë proces, do të ndërmjetësojë Austria, i cili dot ë bëjë aplikimin në emër të Kosovës. Ato çështje janë shumë pak të rëndësishme, derisa është në pyetje një përfitim pozitiv nga ana e shtetit tonë. Ne edhe sot realizojmë thirrje telefonike me tre kode të ndryshme”.
Havolli ka deklaruar se është habitëse fakti që një pjesë e madhe e deputetëve të opozitës, në interpelancën për kryeministrin Isa Mustafa, nuk e përmendnin kurrë Kosovë, por vetëm Serbinë, transmeton “Zëri”.
“Deputetët e Lëvizjes Vetëvendosje çdo të dytën fjalë e kanë Serbi, Serbi, prej Serbisë, e prandaj nuk është aspak e çuditshme. E kjo më së miri tregon llojin e propagandën që e bëjnë disa deputetë të opozitës. Çuditesha vetëm me deputetin Pal Lekaj, që e citonte Kosovën me Republikë. Procesi i integrimit është proces që merr kohë, në këtë rast që duhet kohe me u implementu. Këtu e largojmë një element të Serbisë dhe e vendosim një që operon nga Kosova. Komunikimi me strukturat paralele ka ndryshuar për të mirë gjithsesi. Kontrabanda në pjesën veriore, ka filluar të zhduket dhe reduktimi i këtyre strukturave ilegale natyrisht që është në të mirën e vendit”
“Qeveria Mustafa ka punuar shumë në ekonomi. Kur shtetet tjera përballen me probleme, ne kemi rritje ekonomike rreth 4 për qind. Prandaj kjo është qeveria më e mirë nga paslufta”.