Sokol Havolli, kryeshefi ekzekutiv i Prishtina Parking, në një intervistë për PrishtinaPress tregoi për përmirësimet e bëra dhe synimet e ardhshme për shërbimet e parkimit në qytet.
Ai theksoi rëndësinë e ofrimit të një shërbimi cilësor dhe zbuloi se bashkëpunimi me Kryetarin e Prishtinës dhe banorët ka qenë kyç për krijimin e këtij vizioni të ri.
“Kur kam marr detyrën e kryeshefit ekzekutiv, synimi im kryesor ishte përmirësimi i cilësisë së shërbimit dhe realizimi i investimeve të ndryshme”, tha Havolli.
Ai shtoi se janë bërë përmirësime të dukshme në infrastrukturën e parkimit, duke trajtuar kështu një prej problemeve më të mëdha me të cilat përballeshin qytetarët e Prishtinës.
Këto ndryshime kanë për qëllim lehtësimin e jetës së përditshme dhe rritjen e efikasitetit në menaxhimin e hapësirave të parkimit./PrishtinaPress/