Sot janë bërë 24 vjet që nga koha kur në Studime të Vushtrrisë forcat kriminele serbe vranë 116 shqiptarë të pafajshëm.
E kreu i Aleancës për Ardhmërinë e Kosovës, Ramush Haradinaj ka thënë se plagët e popullit janë ende të freskëta dhe nuk mund të mbyllen pa u ndëshkuar krimet
Haradinaj përmes një postimi në Facebook, ka përkujtuar martirët e masakrës së Studimes së Vushtrrisë, teksa tha se ata u vranë vetëm pse ishin shqiptar, e vetëm që aspironin lirinë e Kosovës.
“Plagët e popullit tonë janë ende të freskëta dhe nuk mund të mbyllen pa u ndëshkuar të gjitha krimet! Në 24-vjetorin e rënies, kujtojmë dhe nderojmë me përulje martirët e masakrës së Studimes së Vushtrrisë, që ranë për këtë tokë duke u shndërruar në gurë themeltar të lirisë së vendit tonë. Ata u vranë vetëm pse ishin shqiptarë, vetëm pse aspironin lirinë e vendit”, ka shkruar Haradinaj.
“Nuk do të ndalemi deri sa të dalin para drejtësisë autorët e krimeve”, shtoi ai./PrishtinaPress/
