Kryetari i AAK-së Ramush Haradinaj në një intervistë për Kosova Live, ka shprehur shqetësimin për rrënimin e raporteve me aleatët strategjikë të Kosovës nga qeveria Kurti.
Haradinaj duke folur për mundësinë që Kurti e kishte në qeverisje, falë numrit shumë të madh të votave, theksoi se ka ndodh e kundërta.
“Qeveria dhe Kurti, ju ka kthyer rrënimit. Jo vetëm që nuk e krijoi atë që s’ishte krijuar deri tash, nuk e sjelli një shpresë një perspektivë, një mundësi, përkundrazi është kthyer në rrënim të asaj që është ndërtuar mbi dekada”.
Haradinaj ka shtuar se më tragjikja është rrënimi i raporteve me aleatët e sigurisë, apo kthimi i Kosovës nga e privilegjuar, në të ndëshkuar.
