Kreu i Aleancës për Ardhmërinë e Kosovës (AAK), Ramush Haradinaj, ka thënë se nuk ka “hatërmbetje” me qëndrimet paszgjedhore të kryetarit të Nismës, Fatmir Limaj.
Gjatë intervistës në Rubikon, Haradinaj e quajti “legjitime” dëshirën e Limajt për të negociuar rolin e tij pas zgjedhjeve, duke dhënë lajmin madje për një takim midis tij dhe kreut të PDK-së, Memli Krasniqi.
“Hatërmbetje?
Jo, s’kam. Ju lutem, Limaj ka deklaru që po don me negocu për rolin e tij pas zgjedhjeve vet, është legjitime. Ai është taku me Memlin para disa ditëve.
Shpresoj që merret vesh më së miri.” – tha Haradinaj në “Rubikon”.
