Kryetari i AAK-së Ramush Haradinaj ka reaguar pas zhvillimeve të ditës së sotme që lidhen me dialogun në Bruksel.
Haradinaj përmes një shënimi në Facebook, i ka bërë thirrje Kurtit të tërhiqet nga targat, Konjufcës të thërras urgjentisht parlamentin derisa Presidentes qetësimin e situatës.
“I bëj thirrje Kryeministrit ta pezullojë zbatimin e vendimit për targat deri në arritjen e marrëveshjes për njohje të ndërsjellë”.
“I bëj thirrje Kryetarit të Kuvendit që urgjentisht ta thërras Parlamentin në seancë të jashtëzakonshme, që të miratohet Rezoluta e propozuar prej AAK, për tejkalimin e situatës së krijuar”.
“Po ashtu i kërkoj Presidentes të marrë rol aktiv në qetësimin e situatës dhe në kapërcimin e ngërçit të krijuar”.
Haradinaj ka ftuar edhe qytetarët serbë që të përmbahen nga aktet e dhunës.
“I ftoj të gjithë qytetarët serb që të përmbahen nga aktet e dhunës dhe të mos bien pre e kalkulimeve politike të regjimit në Beograd”.
I pari i AAK-së iu ka bërë thirrje qeverive në Kosovë e Serbi që të mos rrezikojnë jetët e njerëzve.
“Është momenti i fundit që qeveritë në Beograd e në Prishtinë, të ulen e të bien në ujdi për marrëveshjen e paqes për njohje, e të heqin dorë nga veprimet që rrezikojnë jetët e njerëzve”, ka deklaruar Haradinaj.