Kryeministri i Kosovës, Ramush Haradinaj, ka folur fjalë të mëdha për zëvendësin e tij, Behgjet Pacollin, pas takimit që kishin pasur sot të dytë në zyrën e kreut të ekzekutivit.
Megjithëse, ditë më parë, Pacolli akuzoi Haradinajn se i njëjti nuk i kishte mbajtur fjalët rreth trasesë Gollak – Gjilan duke e ndryshuar këtë rrugë kur ministri ishte jashtë vendit, Haradinaj nuk e ka shkruar as edhe një fjalë për këtë përplasje.
Pacollin e quan njeri energjik. Madje edhe vizionet thotë se i kanë të përbashkëta.
“Mëngjesin e sotëm, me zëvendëskryeministrin e parë, Behgjet Pacollin, zhvilluam një takim përmbajtësor pune. Është kënaqësi të kesh bashkëpunëtor energjik, me të cilin ndajmë vizionin e përbashkët që mos të ndalemi përballë sfidave dhe të punojmë për mirëqenien e qytetarit”, ka shkruar Haradinaj në Facebook.
Zëvendëskryeministri Behgjet Pacolli ishte ankuar ditë më parë se është ndryshuar traseja e rrugës së Gollakut, kur ai ishte i angazhuar jashtë vendit.
Ai kishte shtuar se kjo rrugë për të është aq e rëndësishme sa ka qenë edhe pjesë e dakordimit me kryeministrin kur është formuar Qeveria.
Pacolli i kërkuar Haradinajt që të mos ndërrohet plani i paraparë për rrugën e Gollakut
