Çështja e hapjes së Urës së Ibrit po vazhdon të diskutohet edhe më tutje. Përveç NATO-s, që e ritheksoi edhe një herë sot qëndrimin rreth kësaj teme, as BE-ja nuk ka ndryshuar qëndrim,
Kështu tha Peter Stano, zëdhënës i BE-së.
Tutje, ai ka vlerësuar se “hapat e njëanshëm” duhet të shmangen.
“Qëndrimi i Bashkimit Evropian në lidhje me urën është përshkruar shumë qartë në ditët dhe javët e fundit dhe është komunikuar edhe me partnerët në Prishtinë dhe është diskutuar gjerësisht me të gjithë partnerët e tjerë brenda BE-së, me SHBA-në me NATO-n dhe KFOR-in, dhe qëndrimi i BE-së nuk ka ndryshuar. Pra, nuk ka asgjë të re. Mund të shtoja vetëm duke kujtuar se po, ka diskutime dhe ndërveprime të vazhdueshme për këtë çështje, me qëllim ose në përputhje me qëndrimin e Bashkimit Evropian që hapat e njëanshëm, të pakoordinuar duhet të shmangen dhe kjo çështje duhet të diskutohet në kuadër të dialogut. Ky është qëndrimi i të gjithë partnerëve dhe aleatëve të Kosovës dhe autoritetet e Kosovës do t’i bënin një shërbim shumë të mirë vetes dhe popullit të tyre nëse do ia vinin veshin dhe dëgjonin mesazhet e partnerëve dhe aleatëve”, tha Stano.
