Gazetari shqiptar dhe autori i emisionit “Opinion”, Blendi Fevziu, ka publikuar një video në profilin e tij në “Instagram” ku tregon për gjetjen e dosjes së sigurimit të shtetit shqiptar në të cilën tregohet se si është përgjuar Ibrahim Rugova për 20 vjet.
Ibrahim Rugova siç thotë Fevziu, ishte përgjuar edhe përgjatë dy vizitave të tij që kishte realizuar në Shqipëri.
“Në Arkivat e Sigurimit te shtetit gjendet dosja me dokumentat se si per 20 vjet Sigurimi i Shtetit komunist pergjoi Ibrahim Rugoven ne Kosove dhe ne 2 vizitat ne Shqiperi”, ka shkruar Blendi Fevziu.
Fevziu thotë se dosja që ka në dorë është dosje ndjekjejeje e periudhës 1980-1984.
