Rruga Mitrovicë-Bajgorë është hapur për qarkullim dhe tashmë është e kalueshme, ka njoftuar Ministria e Infrastrukturës, shkruan Gazeta Monitor.
Ministria e Infrastrukturës ka njoftuar gjithashtu që edhe rruga Ferizaj-Hani i Elezit ëshët lëshuar për qarkullim, por nuk është e kalueshme ende për automjete të rënda.
“Pas punës së pa ndërprerë të ekipeve për mirëmbajtjen e rrugëve në qarkullim të plotë është lëshuar edhe rruga Ferizaj-Hani i Elezit, vetëm për automjetet e vogëla.Ndërsa, për automjetet e rënda rruga ende është e pakalueshme. Lidhur me lirimin edhe për automjetet e rënda do t’ju njoftojmë me kohë. Njëherit kërkojmë nga qytetarët që gjatë udhëtimeve të tyre të jenë të pajisur me paisjet e duhura dimërore si dhe t’u përshtaten kushteve të gjendjes së rrugëve por edhe kushteve aktuale atmosferike”, thuhet në njoftimin e Minsitrisë së Infrastrukturës.
