Nënkryetari i Partisë Demokratike të Kosovës, Uran Ismaili, i ftuar në emisionin Debat Plus tha se zgjedhja e Bedri Hamzes si kandidat për kryeministër është zgjedhja më jo-vetjake e PDK-së dhe e kryetarit Krasniqi.
I pyetur nga analistët nëse kjo zgjedhje nga radhët e PDK-së ka qenë kompromis, Ismaili potencoi që në fakt është tërësisht e kundërta dhe se zgjedhja e Hamzës ka qenë kërkesë e anëtarëve të partisë.
Ai shtoi se Hamza ka edhe një karakteristikë që nuk potencohet shpesh në publik, që ai është shumë i prerë dhe i përgjegjshëm kur vjen puna te paraja publike dhe angazhimi për paranë publike.
“Hamza di shpesh me thënë ‘jo’, në raste shumë, shumë të vështira më thënë jo dhe kjo nuk kalon”, tha Ismaili.
