Zyrtari i Lidhjes Demokratike të Kosovës, Muhamet Hamiti, ka reaguar për vendimin e Qeverisë së Kurtit kundër Klan Kosovës. Hamiti ka shkruar se kjo Qeveri nuk i duron mediat e pavarura dhe kritike, prandaj e mbylli Telvizionin Klan Kosova.
Hamiti ka thënë se e kanë ditur që ky ndryshim në Kosovë do të ishte për të keq dhe thotë se duhet një masë kritike popullore për të kundërshtuar pushtetin e Kurtit.
Ai thotë se koha është tani, nëse s’është bërë vonë.
“Ndryshimi ka emër: Qeveria e VV-së #KREJTdheDREJT. Qeveria që nuk i duron mediat e pavarura, kritike. Prandaj, e mbyll Televizionin Klan Kosova.Kush e ka kërkuar ndryshimin si ky, le të festojë!
Ne të tjerët, që e dinim me kohë se ky ndryshim do të ishte për të keq, siç doli, do të vazhdojmë të punojmë kundër regjimit të ri në Kosovë, regjimit anti-demokratik në Republikën e Kosovës.
Duhet masë kritike popullore për ta kundërshtuar këtë pushtet autoritar. Koha është tani, nëse nuk është bërë vonë”, ka shkruar Hamiti.
