Hoxha Halil Kastrati në intervistë për Insajderi ka folur për “Shtëpinë e të Moshuarve” në Suherekë e cila është nën mbikëqyrjen e tij. Humanisti ka treguar për raportin që ai ka me këta të moshuarë, për fjalët që shpeshherë i thonë.
Në veçanti ai ka pasur një thirrje për familjarë e një të moshuare nga Presheva, e cila ka 3 vite që po jeton në këtë qendër.
Kastrati tha se ajo vazhdimisht po e kërkon vëllai e saj, i cili fatkeqësisht ka vdekur, por që nuk po mundet t’ia kumtojë lajmin.
“Nuk po mundem me ia thënë, vazhdimisht e kërkon…”, ka thënë ai teksa u ka bërë thirrje familjarëve të saj që t’i vinë për vizitë sepse vërtetë ka nevojë.
Gjatë intervistës, Kastrati ka treguar se ka raste që vetëm i sjellin në shtëpi dhe më nuk interesohen për ta. Përmend raste edhe më të rënda.
