Neymarit duket se i është hakuar llogaria në Twitter, pasi u panë disa postime shokuese.
Tifozët mbetën të hutuar kur llogaria e sulmuesit të Paris Saint-Germain në Twitter bëri një postim drejtuar gazetës braziliane të lajmeve Choquei, i cili thoshte: “Të urrej”.
Kishte edhe postime të tjera në një gjuhë që nuk kuptohej, duke ngjallur shqetësime te fansat e brazilianit.
Pasi ylli i PSG-së duket se e rikuperoi llogarinë e tij dhe i fshiu shpejt dy postimet e fundit të cilat nuk arrinin të gjenin ndonjë përkthim të vërtetë, Choquei vuri në dukje se ai iu drejtua atyre: “Edhe ne të duam, Neymar”, shkruan ata me shaka.
Motra e Neymar, Rafaella, me shpejtësi mohoi përfshirjen e saj, duke thënë në një storie në Instagram: “Nuk isha unë që i postova ato gjëra. Të gjithë gënjejnë. Unë nuk e kam as aplikacionin në telefonin tim”.
Postimet vijnë në një kohë të pasigurt për karrierën e Neymar, me anësorin që aktualisht është i lënduar dhe nuk ka gjasa të shfaqet përsëri deri në sezonin e ardhshëm.
Kjo do të jetë kur ai të hyjë në dy vitet e fundit të kontratës së tij me PSG, megjithëse raportimet sugjerojnë se kampionët francezë po kërkojnë të largojnë atë shkaku i pagës së lartë për të përmbushur rregulloret financiare të UEFA -s.
????????????????? pic.twitter.com/dFpAefiWmH
— CHOQUEI (@choquei) March 28, 2023
