Dyshohet se iu dha tokë të Komunës familjarëve, arrestohet kryetari i Istogut, bashkëpunëtorët e tij thonë se ndalimi iu bë për motive politike.
Po vazhdon punën normalisht.
Por është pikërisht ky gurthyes, arsyeja e arrestimit të kryetarit të Istogut, Haki Rugovës nga Policia e Kosovës, një natë më parë.
I njëjti dyshohet se ia dha në shfrytëzim një parcelë publike familjarëve të tij, të cilët ushtrojnë këtë veprimtari.
Televizioni ka tentuar të marrë një përgjigjie nga familjarët e Rugovës, por të njëjtit përmes telefonit i thanë ekipit të televizionit që nuk duan të komentojnë zhvillimet.
Veç Rugovës, Policia ka ndaluar për 48 orë edhe ish-nënkryetarin e komunës dhe në zyrtar tjetër.
Mbi ta po rëndojnë disa vepra penale.
Megjithëkëtë dikush po beson që veprimet e zyrtarëve komunalë ishin tërësisht ligjore.
Nënkryetari i Komunës së Istogut, Agim Ademaj po thotë që vendimin për këtë parcelë e ka marrë asambleja komunale.
Rrjedhimisht sipas tij, kryetari është i pafajshëm.
Madje Ademaj po thotë që njëjtë si kryetari do të vepronte edhe vet.
Ai po i ndërlidh gjithë këto zhvillime me zgjedhjet lokale.
Ata që ia besuan votën për tri mandate, po besojnë edhe në pafajësinë e kryetarit.
Por dikush po mendon që ekziston një arsye që kryetari i tyre u ndalua nga Policia.
Kjo nuk është hera e parë që Rugova përballet me drejtësinë. Ai është duke u gjykuar nga Gjykata e Pejës për veprën penale të konfliktit të interest.
