Një fenomen mjaft shqetësues për qytetarët e Kosovës janë bërë vjedhjet e shpeshta nëpër shtëpi, që po shkaktojnë ankth, humbje financiare e pasiguri, raporton Gazeta Sinjali.
Kështu e ka pësuar së fundi edhe një i ri në Prishtinë, pasi hajnat ia thyen garazhin në rrugën ‘Andrea Aleks’.
Sinjali mëson se njësitë policore kanë dalë në vendin e ngjarjes për të kryer ekzaminimet e nevojshme dhe në bazë të dëshmisë së 28-vjeçarit, gjatë orëve të natës hajnat kanë hyrë brenda garazhit të banesës dhe kanë vjedhur motoçikletën e tij e cila kap vlerën e rreth 5 mijë eurove.
Momentalisht nuk ka persona të dyshuar dhe me urdhër të prokurorit rasti është cilësuar ‘Vjedhje’.
