Ministrja në detyrë e Ekonomisë, Punësimit, Tregtisë, Industrisë, Ndërmarrësisë dhe Investimeve Strategjike (MEPTINIS), Rozeta Hajdari ka njoftuar se Bordi i Përkohshëm i drejtorëve të Postës ka shkarkuar kryeshefin ekzekutiv dhe zyrtarin financiar të saj.
Hajdari tha se shkarkimi është bërë në përputhje me ligjin për ndërmarrje publike.
“Sot Bordi i Përkohshëm i Postës së Kosovës ka bërë shkarkimin e kryeshefit ekzekutiv dhe zyrtarit kryesor financiar të saj. Ky shkarkim është bërë në përputhje me ligjin për ndërmarrjet publike dhe reagimi ishte i shpejtë me qëllim të ndaljes së degradimit të kësaj ndërmarrje” deklaroi ajo para mediave, përcjell Telegrafi.
Hajdari theksoi se trendi i humbjes financiare në Postën e Telekomit të Kosovës ka vazhduar nga viti në viti.
