Erling Haaland është shpërblyer me çmimin “Golden Player Man” në ceremoninë e “Golden Boy 2023” në Torino.
Ky çmim u jepet lojtarëve më të mirë të moshës mbi 21-vjeç, i votuar nga një panel i specializuar, i cili këtë vit përfshinte Edwin Van Der Sar, Alessandro Costacurta, Samuel Eto’o, Andriy Shevchenko, Rui Costa dhe Pavel Nedved, transmeton Gazeta Express.
Ndonëse Haaland u mposht nga Lionel Messi në ceremoni të ndryshme çmimesh në muajt e fundit, duke përfshirë “Topin e Artë 2023”, “Golden Boy” ndryshon në atë që çmimet shpërndahen bazuar në performancat në vitin kalendarik dhe jo në sezonin e kaluar.
Kjo do të thotë se triumfi i Messit në Kupën e Botës me Argjentinën nuk llogariti asgjë në vitin 2023, ndryshe nga “Topi i Artë”.
Ndërkohë, sulmuesi norvegjez ka shijuar një vit rekord në Premierligë. Kryesisht falë numrit të tij të theksuar të golave, Manchester City u bë vetëm skuadra e dytë që fitoi tripletën; Premierligën, Kupën FA dhe Ligën e Kampionëve në një sezon.
Para portës, Haaland ka qenë thjesht i pandalshëm. Deri tash, ai ka shënuar deri në 50 gola në të gjitha garat në vitin 2023. /Gazeta Express/