Trajneri i Manchester Cityt, Pep Guardiola, i ka paralajmëruar lojtarët e tij se West Ham Unitedi do të bëjë gjithçka që është e mundur për t’i ndaluar ata ta fitojnë titullin e katërt radhazi të Premierligës.
Qytetarët kanë nevojë për një fitore në xhiron e fundit ndaj West Ham në Etihad Stadium, për t’u shpallur kampion të Anglisë.
West Hamit nuk i nevojitet asgjë rezultati pozitiv në lojë dhe David Moyes, i cili po largohet nga klubi në fund të sezonit, ka thënë “do të jetë e vështirë të ndalosh 14-vjeçarët për ta fituar titullin.”
Qytetarët, megjithatë, kanë kaluar në këtë rrugë më herët, ku në dy raste në vitin 2012 ndaj QPR dhe 2022 ndaj Aston Villës u kthyen nga disavantazhi për ta fituar titullin në xhiron e fundit.
“Ai [Moyes] do të bëjë gjithçka për të na rrahur”, tha Guardiola për një konferencë shtypi të premten.
“Unë jam gati që ajo të jetë një lojë e vështirë, shumë e vështirë. Dua të vë në mendjen e lojtarëve që të shikojnë Tottenhamin, si luftuan për çdo top. Ishte agresion dhe angazhim i jashtëzakonshëm që kishte Spurs. Nuk kisha dyshime për këtë. 11 lojtarët në West Ham do të jenë të gatshëm të na rrahin. Kjo ndodhi me Aston Villa në të njëjtin pozicion që nuk kishte asgjë për të luajtur dy sezone më parë dhe unë e di se çfarë ndodhi. Do të ndodhë njësoj.”
Guardiola është përballur me Moyes 15 herë si menaxher dhe ka humbur vetëm një herë ndërsa City janë të pamposhtur në 16 ndeshjet e tyre të fundit kundër West Ham.
Fitorja do të thoshte për Guardiolan se ai do të fitonte trofeun e gjashtë të Premierligës dhe do të fitonte një vend tjetër në histori si ekipi i parë anglez që fitoi katër tituj të ligës radhazi.
Vendi i dytë, Arsenal, mund të shpresojë që Manchester City të humbasë pikë dhe ata të fitojnë ndaj Everton në Emirates, për ta fituar titullin e parë pas 20 vitesh.
“Nëse i pyet të gjitha ekipet e Premierligës në fillim të sezonit, cili do të ishte pozicioni më i mirë për ndeshjen e fundit të sezonit, ne jemi në pozicionin më të mirë,” tha Guardiola.
“Kjo është e sigurt. Një lojë, fati në duart tona. Ne duhet të fitojmë një lojë për të qenë kampion. Çdo ekip do të donte të ishte në pozicionin tonë, kjo është e sigurt. Por nuk do të jetë e lehtë. Kam ndjenjën se do të jetë një lojë si ndaj Aston Villa para dy viteve. Ne do të donim të ishim 3:0 deri pas 10 minutash, por nuk do të ndodhë.”