Është arrestuar personi i cili u kap dje nga Policia e Kosovës në bashkëpunim me Agjencinë e Ushqimit dhe Veterinarisë, nën dyshimin se i njëjti ka grumbulluar produktet e mishit me afat të skaduar dhe pastaj i ka përpunuar duke i bërë suxhuk.
Siç bënë të ditur Policia, gjatë bastisjes në fabrikën për përpunimin e mishit kanë gjetur e konfiskuar produkte mishi gjysmë të përpunuar, pa origjinë, pa deklaracion, pa datë prodhimi e skadimi.
Me vendim të inspektorëve të AUV-it, malli është asgjësuar, ndërsa i dyshuari pas intervistimit me urdhër të prokurorit është dërguar në mbajtje.
PRODHIM DHE VËNIE NË QARKULLIM E ARTIKUJVE TË DËMSHËM USHQIMOR – Fsh. Sigë, Pejë 20.10.2023-10:30. Njësitet e DHKEK-së kanë arrestuar të dyshuarin mashkull kosovar, nën dyshimin se i njëjti ka kryer veprën e cekur, duke grumbulluar produktet e mishit me afat të skaduar dhe pastaj të njëjtat i ka përpunuar duke përfunduar si suxhuk. Gjatë bastisjes, njësitet policore në bashkëpunim edhe me AUV-në, në fabrikën për përpunimin e mishit kanë gjetur e konfiskuar produkte mishi gjysmë të përpunuar, pa origjinë, pa deklaracion, pa datë prodhimi e skadimi. Me vendim të inspektorëve të AUV-it, malli është asgjësuar, ndërsa i dyshuari pas intervistimit me urdhër të prokurorit është dërguar në mbajtje. Rasti duke u hetuar”, njoftohet tutje.
Ndryshe, Policia e Kosovës në bashkëpunim me Agjencinë e Ushqimit dhe Veterinarisë kanë njoftuar të premten se kanë asgjësuar rreth 2000 kg mish me afat të skaduar në Prishtinë, Pejë dhe Mitrovicë.