Një krim i rëndë në familje është regjistruar në lagjen “Pamukkale” të Denizlit, ku një grua ka vrarë me thikë bashkëshortin e saj, pas një debati të fortë mes tyre për shkaqe xhelozie.
Emel Ener, vrau bashkëshortin e saj Barış Selahattin Ener rreth orës 02:00 të mëngjesit në katin e parë të banesës së tyre.
Bashkëshorti i ndjerë ishte ai që e qëlloi i pari autoren, e cila shkoi dhe mori një thikë kuzhine dhe e goditi pa u menduar gjatë burrin e saj në shpinë, duke e lënë të vdekur në vend, shkruan a2news.
Ajo u arrestua vetëm pak minuta pas ngjarjes, ndërsa në deklaratën e saj para oficerëve të policisë tha se shkak ishte bërë xhelozia dhe se çifti ishte në proces divorci.
