Marina Jovanvoviq, bashkëshortja e personit të plagosur të hënën në mbrëmje në Zveçan, Milan Jovanoviq, tha se nënshkruesit e peticionit për largimin e njësive speciale nga veriu i Kosovës po kërkojnë drejtësi për bashkëshortin e saj, por edhe se ajo që i ndodhi burrit të saj uron të mos i ndodhë askujt që jeton në Kosovë.
Jovanoviq u tha gazetarëve në protestë se ajo erdhi me njerëz për të kërkuar drejtësi për burrin e saj dhe për të gjithë njerëzit që jetojnë në Kosovë.
“Ne po nënshkruajmë një peticion për të larguar të gjitha njësitë speciale nga Kosova dhe Metohija dhe për të mos lejuar që ajo që i ndodhi burrit tim t’i ndodhë askujt”, tha Jovanoviq.
Ajo ka deklaruar se situata është shumë e vështirë dhe se është e shqetësuar si të gjithë rreth saj.
“Të gjithë jemi të shqetësuar dhe të frikësuar, edhe fëmijët, nuk mund t’i qetësoj”, thotë Jovanoviq.
E pyetur për shëndetin e bashkëshortit të saj, Jovanoviq thotë se aktualisht është stabil dhe shton se nuk ka pasur mundësi ta shohë që nga mbrëmja kur ai u plagos.
“Nuk kam pasur mundësi ta vizitoj, sepse vizitat nuk lejohen. Ai është ende në terapi intensive, kjo është gjithçka që di tani për tani”, ka theksuar Jovanoviq.
