Ish-emisari i SHBA-së për dialogun Kosovë-Serbi, Richard Grenell ka thënë se po vazhdon që të merr kërcënime në rrjete sociale, pasi që ua uroi serbëve Vidovdanin.
Në profilin e tij në Instagram, Grenell ka publikuar mbrëmë një mesazh, derisa, në të kërcënohej ish-emisari amerikan me heqje koke.
I njëjti pak orë më vonë, ka publikuar edhe dy mesazhe tjera.
“Dhuna dhe homofobia janë të neveritshme”, ka shkruar Grenell derisa ka publikuar mesazhet kërcënuese që i kanë shkuar.
Pos kërcënimeve, Grenell ka publikuar edhe një mesazh tjetër që i ka shkuar nga një shqiptar.
“Jam krenar për mbështetjen e shqiptarëve – ata e duan Amerikën dhe ne e vlerësojmë miqësinë e tyre”, ka shkruar ai.