Gjermania dhe Zvicra kanë barazuar me rezultat 1-1 në ndeshjen e fundit të fazës së grupeve në kuadër të Grupit A në Euro 2024.
Ndeshja ishte e bukur dhe me raste nga te dyja anët, por që skuadrat u desh të pajtohen me barazim.
Dan Ndoye shënoi golin e parë në ndeshje për Zvicrën, ndërsa Niclas Fulkrug barazoi shifrat për gjermanët.
UEFA ka zgjedhur lojtarin e ndeshjes, duke vendosur për mesfushorin fantastik dhe kapitenin e Zvicrës, Granit Xhakën.
“Xhaka me sa duket ka qenë kudo sonte. Nga ndihma për të çuar topin përpara deri tek mbrojtja dhe sigurimi që harkimet e Gjermanisë të mos hyjnë në zonë. Kapiteni ka qenë edhe një herë një nga figurat më të spikatura”, shkruante UEFA në faqen e tyre zyrtare gjatë ndeshjes.
Hera e dytë që Granit Xhaka e fiton këtë çmimin në Euro 2024, gjë që e bëri edhe ndaj Hungarisë në fitoren 3-1.
Zvicra kalon tutje si e dyta e grupit me 5 pikë, ndërsa Gjermania si e para me 7 pikë.
