Anëtari i kryesisë së Aleancës për Ardhmërinë e Kosovës, Daut Haradinaj, ka reaguar pas lajmit për vendosjes e GPS-së në veturën e gazetarit Vehbi Kajtazi.
Siç thotë ai, ky mjet përgjimi i lëvizjes e ka bazën monitoruese diku.
“Shteti nuk mbahet me persekutim dhe përgjim të gazetarëve apo pronarë të mediave që paguajnë taksa në këtë Republikë. Kushdo që ka vendos GPS në automjetin e gazetarit Vehbi Kajtazi, dëshmon qartë qëllimin negativ apo edhe kanosjen. Ky mjet përgjimi i lëvizjes e ka bazën monitoruese diku, prandaj hetuesia duhet të vihet në lëvizje dhe ta zbardh këtë rast sa më parë”, ka thënë Haradinaj.
Ai ka shtuar se aferat nuk shuhen me përgjues.
“Aferat nuk shuhen me përgjues, do t’ju dalin edhe tjera shumë me të poshtra se sa ato që janë publikuar deri tash”, është shprehur ai.