Procesi gjyqësor ndaj ish-krerëve të Ushtrisë Çlirimtare të Kosovës, Hashim Thaçit, Kadri Veselit, Rexhep Selimit dhe Jakup Krasniqit, do të vazhdojë sot në Dhomat e Specializuara të Kosovës në Hagë.
Zyra e Prokurorit të Specializuar (ZPS) ka njoftuar se dëshmitari i radhës do të dëshmojë në një seancë të mbyllur, ndërsa prokurori do të lexojë një përmbledhje të provave të paraqitura.
Trupi Gjykues ka pranuar dëshmitë me shkrim të 9 dëshmitarëve, të cilat janë shoqëruar me prova materiale në çështjen gjyqësore kundër ish-komandantëve të UÇK-së.
Sipas njoftimit nga DHSK-ja, seanca do të fillojë nga ora 09:00.
