Gazeta franceze “Le Journal du Dimanche”, ka shkruar se një gjyqtari të Gjykatës Speciale iu është vjedhur lloptopi me të dhëna sensitive në banesën e tij në Paris.
Policinë franceze sipas gazetës, e kanë njoftuar banorët e ndërtesës, pasi kanë vërejtur se dera e fqinjit të tyre ishte hapur me forcë.
Po ashtu, raportohet se gjyqtari pasi ishte njoftuar për këtë rast, pretendohet ta ketë neutralizuar (fshirë) përmbajtjen e llaptopit të tij prej larg, përmbajtje ato të cilat pretendohet se kishin të dhëna “shumë sensitive” që kanë të bëjnë me procesin gjyqësor ndaj ish-krerëve të UÇK-së në Hagë.
Ndërkohë, në një përgjigje për KosovaPress, Dhomat e Specializuara të Kosovës kanë thënë se nuk komentojnë lidhur me raportimin e mediave franceze të cilit KosovaPress iu referohet.
Gazeta franceze ka shkruar se policia në vend-ngjarje kishte parë se personat misteriozë që ishin futur aty nuk kishin lënë gjurmë dhe nuk kishin vjedhur asnjë gjë me vlerë, përveç një llaptopi.
Pas publikimit të këtij lajmi ka reaguar, përfaqësuesi i Organizatës së Veteranëve të Luftës së UÇK-së, Faton Klinaku, duke thënë se nëse ato të dhëna i vijnë nuk mund të mbahen fshehtë.
“Grabitje në Paris: Një gazetë franceze raporton se i është vjedhur laptopi një gjyqtari të Speciales me të dhëna sensitive. E nëse na vijnë këto të dhëna, çka me ba unë? Edhe fshehtë nuk mbahen”, ka shkruar ai.
